من الخاطر🌹🌹

من الخاطر..
السادس من رمضان لعام 1436
الثالثه عصرا

اصعب يوم مر بحياتي  يوم وفاة امي لكن مهما صارت الامور صعبه ربي مايتركنا الا لازم يزرع بالامر شي اسمه خيره🌸🌸

بتكلم بتفاصيل اكثر لهذا اليوم ابي تعيشون قد ايش عانينا من بعد  غياب امي ابي اوصل لكم رساله ان وجود امك بحياتك نعمه كبيره 🍀🍀مهما صار  من امك سامحيها
احيان نتمنى الخير للناس محبوبين لنا لكن مانعرف كيف الاسلوب المناسب فنتعامل بطريقتنا احنا باي اسلوب 🍃🍃
نفس الشي الام مرات تمنعنا امي ان احنا نروح لمكان ونفهممها انه ليش ايش معنى صديقاتي يروحون واحنا لا

لكن ماندري قد ايش هي خايفه علينا من كل شي هالشي ماراح ينفهم بوجودها ولاراح ينفهم الا لما يكون عندك عيال وقتها تفهمين جميع تصرفات امك

في هذاك اليوم
فقدت قطعه من قلبي او بمعنى اقرب انكسسسرت كثيرر
بتفاصيل اكثر
لما ودينا امي المستشفى كنت اهرب من عمي لغرفه الانعاش شفت خالتي قدامي كانت تقول متاكده امك ماماتت متاكده ماسكه يدي متاكده انه بس تشنج عمي كان يمسكني ويطلعني بالغصب من المستشفى خلاص امك ماتت هذا يومها صدمه كبيييره
والله ماتت وماكنا ابدا متوقعين كانت مبسوطه ليلتها ومحنيه شعرها وفرحانه به صلت الظهر كانت صايمه تقول لاختي افتحي الباب شوي مكتومه بعدها ماتت بهدوء وكنا نايمين وصحينا ع اكبر فاجعه بحياتي
حياتها كانت هاديه وموتها هدوء
من رحمه رببي انه استجاب لدعوه امي كانت دايم تدعي اني اموت بصحتي وحقق ربي املها مع انها كانت  فيها امراض صعبه جلطه قلب سكر ضغط انسداد شريان فقدان احد عيونها وفوق كل هذا ماتت في اليوم اللي كانت فيه بكامل صحتها

الساعه 1 الليل
رحت وخواتي للمغسله غسلناها سهله بالغسل هدوءها حنانها هيبتها كانت اكثر شي اشوفه بملامحها الله يرحمك ياميمتي برحته

الفجر 3 ونص
وقت الصلاه عليها المسجد مليان الحريم والرجال الكل يبشر بالخير

بدت كرامات الميت تبان
كثره المصلين وقت نقل الجنازه خفة الميت الدفن وسهولته واجتماع الناس كلهم على وصف امي بالكافه العافه الجميع بدون استثناء والرؤيه المبشره بالخير
مفاد هالرؤيه ان امي باذن الله بالجنه

كانت هذي الكرامات رحمه رببي بنا كانت هي اللي تصبرنا
لما ندخل البيت الذكريات الريحه كل شي يذكرني بأمي
وكان صوت امي بداخلي وكاني اشوفها وهي تتقهوى الظهر او توها متحممه شريط ذكريات امي ابدا ماينتهي

موت امي وعانا على اشياء كثيره بالحياه الصلاه قد ايش كنت مقصره فيها اما الحين صوره عقوبه تاخير الصلاه ماتروح عن بالي ابد
التسامح الغيبه اشياء كثيره كنا نسويها لكن الموت يصحيك يعطيك رساله 🍁🍁بان الحياه مجرد ايام وتنتهي وان الموت ممكن يجيك وانتي في قمة صحتك او في نومك او وانتي جالسه تعصين ربك🍁🍁

ومن لم يتعظ بموت احدهم لن يتعظ ابدا بغيره

امك كنز بالحياه سعاده اشياء جميله اذا فقدتيها فقدت جنه تحت اقدامها فقدتي باب للجنه

لو كانت امك على وجه الارض استغل وجودها ساعدها اسعدها يكفي لعب باعصاب الام يكفي عقوق يكفي تهميش

ولو كانت امك ميته فهي احوج لك من اي وقت مضى تقدر تعوض اللي فات ولد صالح يدعو له وصدقه جاريه تعوضك عن جميع الاشياء الي قصرت فيها

الله يرحمك يايوومى ويجمعنا بك بالجنه على قد ماكنتي ضعيفه كنتي اكبر سند وعز لي بالحياه

للفائده...
ارسل 11 الى 5055
لتبرع ب 40 هلله يوميا لصالح جمعيه انسان
او
ارسل رساله فارغه ل 5055 للتبرع بمبلغ 10 ريالات مره واحده

او للتبرع ببناء فندق لصالح جمعيه انسان ريعه يكون لخدمه 2000يتيم
حساب راجحي
142608010990900
قيمه السهم
100 ريال او500 او1000

الحياه تنتهي ويبقى حسناتك باقيه بعد وفاتك